Незвычайны экскурс

На «Камунарцы» прайшла незвычайная і займальная экскурсія для школьнікаў з аграгарадка Калодзішчы.

У бягучым годзе, аб'яўленым у нашай краіне Годам якасці, фабрыка не стаіць на месцы, а шукае свежыя падыходы ў тым ліку і па развіццю прамысловага турызму, выкарыстоўваючы новыя інструменты для правядзення розных мерапрыемстваў з гасцямі прадпрыемства.



Сёння з хлопцамі сустрэліся кіраўнікі і работнікі Таварыства, якія расказалі ім пра гісторыю фабрыкі, працэс стварэння знакамітых прысмакаў, кантроль за якасцю вытворчасці цукерак і шакаладу, і нават пра тое, з якіх краін да нас паступае сыравіна для іх вырабу. 



У інтэрактыўнай форме разам з супрацоўнікамі лабараторыі дзеці актыўна ўдзельнічалі ў працэсе адбору какава-бабоў для вырабу шакаладу і праводзілі розныя тэсты, правяраючы з дапамогай спецыяльных інструментаў інгрэдыенты, якія прыбылі да нас з далёкай Афрыкі. Хлапчукам і дзяўчынкам настолькі спадабалася праводзіць пробы і замеры, што некаторыя з іх сур'ёзна цікавіліся, як можна ўладкавацца да нас на працу. 

А пасля для іх арганізавалі экскурсійны маршрут па ўсіх цэхах прадпрыемства, дзе наглядна паказалі, як з тых самых какава-бабоў паступова крок за крокам нараджаецца наш найсмачны шакалад, і, вядома ж, далі паспрабаваць яго хлопцам.

У канцы сустрэчы ад імя генеральнага дырэктара Сяргея Анатольевіча Анюхоўскага юным наведвальнікам і іх настаўнікам уручылі салодкія падарункі і сувеніры. Дзеці і дарослыя засталіся ў захапленні ад такой цёплай і пазнавальнай сустрэчы, ад душы падзякаваўшы арганізатарам за магчымасць больш даведацца аб дзейнасці найбуйнейшай кандытарскай фабрыкі Беларусі і людзях, якія тут працуюць.

Copyright © Все права защищены. Вся информация, размещенная на данном веб-сайте, предназначена только для персонального пользования и не подлежит дальнейшему воспроизведению и/или распространению в какой-либо форме, иначе как с письменного разрешения СОАО «Коммунарка» – press-sekretyar@kommunarka.by.