У першы клас

У СААТ «Камунарка» прайшло цудоўнае святочнае мерапрыемства для будучых першакласнікаў - дзяцей супрацоўнікаў нашай фабрыкі.

З важнай і знамянальнай падзеяй у жыцці хлопчыкаў, дзяўчынак і іх блізкіх павіншаваў генеральны дырэктар прадпрыемства Сяргей Анатольевіч Анюхоўскі. Ён пажадаў рабятам поспехаў у вучобе, моцных ведаў, верных сяброў і вясёлых школьных будняў. Да цёплых слоў таксама далучылася старшыня першаснай прафсаюзнай арганізацыі Таварыства Таццяна Віктараўна Пармон.


Далей для юных удзельнікаў была арганізавана займальная святочная праграма, падчас якой казачныя персанажы Мальвіна, Бураціна, Баба Яга і мядзведзь Міша правялі мноства цікавых конкурсаў і віктарын. Рабяты актыўна ўдзельнічалі, выяўляючы творчы падыход, а ўсіх юных эрудытаў за правільныя адказы на пытанні і загадкі заахвочвалі салодкімі прызамі.



Прыемным супадзеннем стала тое, што сёння свой дзень нараджэння святкавала адна з дзяўчынак-першаклашак, якая прысутнічала на свяце. Уся зала прывітала Алісу Сянькевіч гучнымі апладысментамі, а Мальвіна і Бураціна ад асобы фабрыкі падарылі імянінніцы сапраўдны школьны званочак!

Апафеозам мерапрыемства стаў запальны танцавальны флэшмоб, падчас якога малыя і дарослыя з задавальненнем паўтаралі рухі арганізатараў са сцэны пад рытмічную музыку. Пасля ўсім без выключэння дзецям былі ўручаны прысмакі ад «Камунаркі», а таксама наборы з усім неабходным для вучобы, спецыяльна падрыхтаваныя нашай прафсаюзнай арганізацыяй.

У канцы сустрэчы малыя і дарослыя шчыра падзякавалі кіраўніцтву прадпрыемства за яркае свята, выдатны настрой, а таксама за смачныя і карысныя падарункі да школы.

Віншуем першаклашак, іх тат, мам, дзядуляў і бабуль з пачаткам навучальнага года! У добры шлях у краіну ведаў!

Copyright © Все права защищены. Вся информация, размещенная на данном веб-сайте, предназначена только для персонального пользования и не подлежит дальнейшему воспроизведению и/или распространению в какой-либо форме, иначе как с письменного разрешения СОАО «Коммунарка» – press-sekretyar@kommunarka.by.