узаемавыгаднае сатрудніцтва

У сталіцы Рэспублікі Узбекістан Ташкенце прайшоў II Узбекска-Беларускі жаночы бізнес-форум.

Ад беларускай дэлегацыі на чале са старшынёй Савета Рэспублікі Наталляй Іванаўнай Качанавай у ім бралі ўдзел каля 100 прадстаўнікоў бізнес-супольнасці і дзяржаўных органаў. 

Мерапрыемства аб'яднала пленарную сесію з тэматычнымі секцыйнымі пасяджэннямі і выставачна-кірмашовую частку са шматгаліновай прэзентацыяй тавараў, прадукцыі ўзбекскіх і беларускіх прадпрыемстваў, у тым ліку і СААТ «Камунарка», якую прадстаўлялі генеральны дырэктар Сяргей Анатольевіч Анюхоўскі і яго намеснік Вiкторыя Адамаўна Малойла.


У Ташкенце ў рамках міжнароднага форуму Анюхоўскі С. А. правёў заключную частку перамоваў з кіраўніцтвам адной з узбекскіх кампаній аб пастаўцы буйной партыі прадукцыі нашага прадпрыемства. Бакі падпісалі адпаведнае пагадненне. У знак сяброўства паміж нашымі краінамі Сяргей Анатольевіч уручыў партнёру карціну з шакаладу, вырабленую майстрамі ўчастка эксклюзіўнай прадукцыі «Камунаркі».

Таксама ў рамках секцыйнага пасяджэння жаночага бізнес-форуму Малойлы В. А., выступіла з дакладам аб інавацыях, сучасным абсталяванні і сістэме менеджменту якасці ў вытворчым працэсе нашага прадпрыемства.

Copyright © Все права защищены. Вся информация, размещенная на данном веб-сайте, предназначена только для персонального пользования и не подлежит дальнейшему воспроизведению и/или распространению в какой-либо форме, иначе как с письменного разрешения СОАО «Коммунарка» – press-sekretyar@kommunarka.by.