Узнагароды "Камунаркі"

Адразу дзве навінкі «Камунаркі» сталі пераможцамі дэгустацыйнага конкурсу «Лепшы смак», які праводзіўся ў рамках IV Міжнароднага форуму «Трэйд Дыялог».

Нашае прадпрыемства актыўна ўдзельнічала ў мерапрыемстве і прадставіла шэраг сваіх прадуктаў. Адным з першых з імі азнаёміўся Міністр антыманапольнага рэгулявання і гандлю Аляксей Ігаравіч Багданаў, які прысутнічаў на форуме і адзначыў поспех «Камунаркі» па выпуску трэндавых актуальных навінак. 

Што датычыцца конкурсу, то яго ўдзельнікамі выступілі прадпрыемствы, якія ажыццяўляюць дзейнасць у сферы вытворчасці і аптовага гандлю прадуктаў харчавання і напіткаў. Ацэнка ўзораў кандытарскіх вырабаў праводзілася экспертнай дэгустацыйнай камісіяй, якая ўключала не менш як 10 прадстаўнікоў ад рытэйла, сектара HoReCa і інстытута мяса-малочнай прамысловасці.

Пераможца конкурсу вызначаўся шляхам закрытай дэгустацыі прадуктаў, зашыфраваных пад нумарамі. Наша фабрыка прадставіла на суд журы дзве салодкія навінкі: шакалад малочны з начыннем «Камунарка» з арахісавай пастай і цукеркі PROTEIN 22% з какавы, якія ў выніку былі ўдастоены дыпломаў I ступені.


Copyright © Все права защищены. Вся информация, размещенная на данном веб-сайте, предназначена только для персонального пользования и не подлежит дальнейшему воспроизведению и/или распространению в какой-либо форме, иначе как с письменного разрешения СОАО «Коммунарка» – press-sekretyar@kommunarka.by.